طعمها حلو مررره وحيل فيها سكر بس طعم فواكه زي طعم الحلويات اللي نشتريها عطتني طاقه ونشاااااط استخدمتها ٣ شهور جدا تناسب اللي عندها خمول وكسل وشعرها يتساقط راح تنفعك بس ضروري تاخذينها ٣شهور عشان تشوفين النتيجه انا من ثالث اسبوع لاحظت شعري مايتساقط ونشااااط ولله بس اناقز بالبيت🤣 لايك لو استفدت من التقييم

اول فيتامين قمي يعجبني لذيذذذذذذ ويحمسني اكله بوقته، اشتريت قبل كثير وهذا الافضل بلا منازع! اشتريته لان دايما اغص بالحبوب المشكلة اني كبر جدي وباقي معرف ابلعهم، المهم اني خايفه انها تخلص لان كل البيت صاروا ياكلونها معي😭 اللهم بارك لي فيها🤲 برجع اطلب لي ولهم لو خلصت انصح فيها طبعاً. تعديل:بعد ماخلصت الكورس اقدر اقولكم ايش اللي تغيير، يابنات اظافري صارت تطول بسرعة والله! شعري طال كثير وخف التساقط، صحتي العامه صارت جيده وما امرض زي دايماً والمود عالي دايماً؛ زي ماقلت اول مكمل استخدمه واحس بالفرق ، طلبت علبه جديده بس غريبه طعمه متغير عن القديم معرف ليش😞

طعمها توت وكرز وفراولة مشكل كل حبه طعم وكلها لذيذه فيها 90 حبه تاخذي 3 حبات يوميا مع وجبه او بدون انا اخذت كورس 3 شهور افضل شي عشان تبان النتائج واستفيد منها اقل شي خذو علبتين عشان الفائده 🛑 انا بدات باخذ حبتين يوميا بعد اول وجبه اكلها بيومي (الفطور) ضرورري تلتزمي كل يوم ولو نفس الوقت يوميا يكون افضل وجسمك يستفيد اكثر منها راح ارجع اعدل التعليق بعد ما اخلص اول علبه واقولكم الفرق لاتنسوا اللايك 🤍

من أفضل الفيتامينات اللي جربتها، جربت كثير أنواع (حبوب) لكن طفشت من البلع، طعمها لذيذ زي الحلاوة المطاطية للي يحب كدا، جربتها ٦ أشهر وحسيت شعري اتحسن شويا وجسمي كمان (٣ حبات في اليوم) وطلبت مرة ثانية! أنصح بيها للي ما يحب ياخد فيتامينات حبوب ويبغا شيء مفيد لجسمه وشعره. وطبعاً يختلف من جسم لجسم ومن شعر لشعر!

طعمة حلو كأنه حلاوة، طبعًا خلصت الكورس كامل و جميل لاحظت القوة بأظافري و راحت الدوخة اللي كنت احس فيها، يابنات اعطوني لايك محتاجة مساعدتكم والله🫂

أهم شي مافي له جيلاتين ولا جلوتين سبق اخذت فيتامينات علك كان حلو بس كان فيه جلاتين الخنزير فهذا بنسبه لي ممتاز ممكن تضغطي yes او نعم 🤍

بصراحه طعمه حلو لكن استخدمه من اسبوعين و لاحظت طلع لي حب شباب بوجهي و فروه راسي و داخل الاذن و الخشم بعد اول مرا يطلع لي كذا من فيتامين مع اني جربت اغلب الانواع و الحمد الله مااتحسس من شي بس مااعرف ممكن اعطيه فرصه ثانيه بس خايفه 😂🥲

أنصحكم جميعاً قبل شراء اي ڤيتامين اول شي تسوّون تحاليل شامله لجسمكم وتشوفون ايش الناقص وهو اللي تعتمدونه كـ مُكمّل لكم لإن كثير ناس تشتري ڤيتامينات وماتلاحظ فرق، هذا يدُل على ان لازم اول خطوه نشوف جسمنا وش يحتاج بعدها نخطّط لشراء الڤيتامين المهم نجي للڤيتامين الحلو هذا طبعاً هو عباره عن Gummy ، يعني حلاوه تمضغونها وطعمها مره حلو بالتوت والفواكه المشكّله، فيها ٩٠ حبّه خالي تماماً من الجيلاتين والجلوتين، ينصحون تاكلون ٣ حبّات يومياً مع الأكل او بدون الأفضل انكم تحافظون على الڤيتامين في مكان درجة حرارة الغرفه من ٢٠ - ٢٥ درجه مئويه وتبعدونه تماماً عن الشّمس والحراره شريت علبه وحده وعشان اشوف نتيجه احتاج اكثر من وحده

رهيببههه وكميتها كبيره صار لي الان 3 شهور استعملها وباقي فيها كمية كبيره طبعا هذي العلبه الاولى اخذ حبه مره باليوم طعمها حلو وخفيفه على المعده ابداً ما تغث ولا تسبب ثقل بالمعده مره خفيفه وانصح فيها .. تفتح الشهيه مررههه ولا تطلع شعر بالجسم

لذيذة أحببتها المكونات جميع ماتحتاجه المرأة لصحتها الكمية تكفي شهر أو شهر ونص الطعم لذيذ طعم الحلوى لاحظت تأثير على البشرة والاظافر اخذ منها يومي كل يوم حبتين